الكبدة الاسكندراني زي سندوتشات التيك اواي

الطريقة اللي بعمل بيها الكبدة الاسكندراني زي مطاعم التيك اواي
الكمية تكفي 3 اشخاص تحضر في 30 دقيقة فقط المكونات:

بصلة كبيرة و واحدة نصف حجمها مقطعة انصاف حلقات رفيعة
فص توم كبير

معلقة صغيرة مستردة
كيس كاتشاب
و 2/1 معلقة صغيرة هوت صوص
حبة طماطم متوسطة مقطعة شرائح رفيعة
معلقة سمن ملح فلفل كمون
4/1 ك كبدة مقطعة طوليا رفيع و منزوعة القشرة( الجلدة اللي بتغطي الكبدة) 3-4 حبات فلفل الخضر بارد مقطعة رفيع طوليا الطريقة

السمن تسخن على النار و اضيف الكبدة المقطعة مع قليل من الملح و الفلفل و رشة بسيطة من الكمون المطحون
بالضبط تقلبتين و صفي الكبدة من السمن في طبق خارجي( تكون الكبدة لونها بقى بني فاتح)
في نفس الطاسةاللي فيها السمن نزلي البصل و يشوح شوية لحد ما يكون شبه شفاف و اضيفي الفلفل الاخضر و قلبيه تاني
شوية كدة لما يطرى الفلفل على النار ارجعي حطي تاني الكبدة معاهم و اضيفي المستردة و الكاتشاب والهوت صوص و اكملي التتبيل بالملح و الفلفل
تضاف الطماطم قرب انتهاء النضج و تقلب تقليبتين قبل التقديم مباشرة
تقدم في ساندوتشات عيش بلدي أو فينو(صمون)
تقدم جنبها سلطة الطحينة
ملاحظات
بلاش تتعمل و تسيبيها و ان كنت جهزتيها مبكرا عن موعد التقديم قبل النضج و قبل اضافة الطماطم اطفي عليها النار و قبل التقديم على طول يادوب تسخن و تضيفي الطماطم و تقلبتين و قدميها على طول
اذا حسيتي ان السمنة قليلة لما حطيتي البصلة ممكن تزوديها بشوية زيت ذرة
اذا ماكانش متوفر المستردة ممكن بدالهم ملعقتين خل ابيض و ملعقة كبيرة سكر
انا ما بحبش الاكل مشطشط لكن اكيد في ناس بتحبه كدة ممكن تضيف قرن فلفل حامي سواء صحيح او مقطع او تضيف شطة حسب الرغبة
جربوها و قولولي